Tuesday, July 19, 2011

આજે મેં એક ગાંડો જોયો......

આજે મેં એક ગાંડો જોયો...
હાથમાં ફાટેલી થેલી લઇ ને હસતો હસતો ક્યાંક જઈ રહ્યો હતો...
એક બાજુ થી ફાટેલી થેલી માં હવા ભરી ને ખુશ થતો ક્યાંક જઈ રહ્યો હતો...
એક બાજુ થી હવા એને જ મળી રહી છે એમ માનીને ખીલખીલાટ હસતો ક્યાંક જઈ રહ્યો હતો...
બીજી બાજુ થી હવા નીકળી રહી છે એની પરવા કર્યા વગર હસતો રમતો ક્યાંક જઈ રહ્યો હતો...
રોજ સવારે હું પણ એક ગાંડા ને જોઉં છું...
જે ક્યાંક વહેલો સવારે ઉઠી ને દુનિયા ની દૌડમાં ભાગતો હોય છે...
ના જાણે કઈ હવા ભરવા એ જ ફાટેલી થેલી લઇ ને પોતાની ધૂન માં દોડતો હોય છે...
પોતાને ખુશીઓરૂપી હવા આગળ થી મળી રહી છે એમ માનીને દૌડતો હોય છે...
બીજીજ બાજુથી એજ ખુશીઓ ક્યાંક નીકળી જટી હોયછે એ વાત થી બેખબર બની ને હસતો રમતો દોડતો હોય છે...
રસ્તામાં મળતા ઘણા લોકો એને જોઈ ને હસ્તા હોય છે પણ એ તો ભીડ ની પરવા કર્યા વગર દોડતો રહેતો હોય છે...
ક્યાંક એ નજર ઉઠાવીને જુએ છે તો ખબર પડે છે કે દુનિયા નો દરેક માણસ એમ જ ગાંડો બનીને દોડતો હોય છે...
ક્યારેક પોતે પણ એજ ગાંડો છે એમ ભૂલીને બીજા પર હસતો હસતો દોડતો રહેતો હોય છે...
આજે ક્યાંક મેં પોતાને એ ધૂની ગાંડા માં જોયો... 
અને ક્યાંક એ ધૂની ગાંડામાં મેં પોતાને જોયો...
આજે મેં એક ગાંડો જોયો...... 

Sunday, May 8, 2011

I LOVE YOU "MAA"....

જીવન માં જેણે માત્ર સ્મિતથી બંધનો બનાવ્યા...

ગમે તેટલા દુ:ખ આવ્યા પણ હિંમત જેણે ના ગુમાવી...

આંસુને અંદર ધરબીને ખુશીઓની  સૌગાદ જેણે આપી..

જેને ઘણા દુખ મળ્યા પણ પ્રેમનો એક બુંદ પણ જેણે ના ઘટાડ્યું ...

જીવનના બાગમાં ઘણા કાંટા ઉગ્યા પણ જેણે હમેશા એક ગુલાબની જેમ સુવાસ ફેલાવી ...

પેટમાં નાનકડી કણી પણ રહી જાય તો પણ અસહ્ય દર્દ થાય છતાં જેણે મને ૯ મહિના પેટમાં સાચવ્યો...

આ અગૂઢ વિશ્વમાં હું કઈંજ ના હતો પણ જેણે મને નામ આપ્યું, એક અસ્તિત્વ આપ્યું ... 

હમેશા જેણે પોતાની ખુશીઓની પરવા ના કરીને જેણે અમને ખુશીઓ આપી...

તારા પ્રેમના બદલામાં થેંક યુ શબ્દ પણ નાનો પડે એ મા” ને કહેવા માંગુ છું કહેવા માંગું છું આઈ લવ યુ મા”...

Wednesday, April 27, 2011

it was nthn but....


It was cool night..
I was lost in memory full tight..
Pleasant Wind was blowing wid full of love..
But I was missing my dove…
I closed my eyes for a while..
But tears came from a mile..
suddenly I saw a beautiful face..
who tried to wipe tears from my face..
but my tears cud not stop ..
because I have lost my love n hope..
she dint tell me to put my head in her lap…
because now our hearts were having a big gap..
I m the reason for this gap as usual..
Still I tried to b casual..but it created a gap which was unusual..
Still my eyes are closed n those loveful salty tears r rolling..
Shz still wid me but m not able to see dat face which was smiling..
Slowly n slowly shz going away,leaving me n mah hand..
N m feeling like standing on the place wch has no land..
I suddenly opnd mah eyes n chekd mah breath..
it was nthn but a death..

Wednesday, April 13, 2011

કંઇક ચુક્યો છે આ બેખબર ...


જીવન માં પહેલી વાર એક એવો ધક્કો ખાધો છે કે બીજા વ્યક્તિઓ પર વિશ્વાસ મુકતા ડરે છે આ બેખબર..
ક્યાંક કોઈ ની ઉપર એવો આંધળો વિશ્વાસ મુકીને રાતે પાણી એ એવો તો રોયો છે કે આંખો પણ ખોલતા પણ ડરે છે આ બેખબર..
દિલ ની ધડકન જે વ્યક્તિ બની હતી ક્યાંક એણે જ દિલ તોડ્યું છે , એટલે જ દિલ નો ધબકાર ચુક્યો છે આ બેખબર..
જીવન માં કોઈ પણ વાત થી ના ડરતો આ કલરીયો આજે નવા સંબંધ માં નવા રંગ પૂરતા ડરે છે આ બેખબર..  
અફસોસ થાય છે કે ખોટા વ્યક્તિ થી ઓળખાણ થઇ છે એ જાણવા છતાં સુધારવા નીકળ્યો હતો આ બેખબર..
એ વ્યક્તિ ક્યારેક તો પ્રેમ થી સમજશે એ માની લેવાની ભૂલ કરી બેઠો આ બેખબર..
ગુસ્સો તો ઘણો આવે છે એ વ્યક્તિ પર, ગુસ્સો ઉતારી ને સંબંધ ણી નવી શરૂઆત કરું કે એ વ્યક્તિ ને જ છોડી દઉં એ અસમંજસ માં ખોવાયો છે આ માનવરૂપી  બેખબર..
કદાચ દરેક સાચા અને આંધળા પ્રેમ ના હકદાર નથી હોતા એ દિલ થી સમજ્યો આ બેખબર..
પણ, હવે એ જ દિલ દરેક માટે ઘભરાતા ઘભરાતા ધડકશે એનું શું કરશે આ બેખબર?

Friday, March 18, 2011

...કુરબાની...


વોહ સુબહ ભી કિતની સુહાની હોગી,
જિસમેં આપકી આવાઝ હંમે જગાતી હોગી...

વોહ રાત ભી કિતની રવાની હોગી ,
જિસમેં આપકી યાદો કી બાહો કે સાથ નીંદ આતી હોગી...

વોહ મૌત ભી કિતની હસીન હોગી,
જિસમેં આપકે પ્યાર કે લીયે હમારી કુરબાની હોગી...

Thursday, March 10, 2011

જીવન અને મૃત્યુ માત્ર તારી જોડે થાય....


તારી આંખો ને જોઈને એવું થાય છે કે મારો જન્મ તારા નેત્રો માં થાય અને મૃત્યુ તારા આંસુમા થાય..

તારા હોઠ ને જોઈ ને એવું થાય છે કે વરસાદ નું પાણી જે તારા હોઠો ને સ્પર્શી રહ્યું છે તેમાં મારું જીવન થાય અને જે બુંદ તારા હોઠો ને સ્પર્શી ને વહી જશે એમાં મારું મૃત્યુ થાય..

તારા હૃદય ના દરેક ઉઠતા સ્પંદન માં મારું જીવન થાય અને પસાર થઇ ગયેલા સ્પંદન મારું મૃત્યુ થાય..

તારા દરેક અંદર જતા શ્વાસમાં મારું જીવન સર્જાય અને દરેક બહાર જતા શ્વાસ જે તેને સ્પર્શી ને વહી ચુક્યા છે એમાં હું મલીન થાઉં..

બસ એક જ વાત કહું કે મારું જીવન તારી જોડે થાય અને મૃત્યુ તારાથી અલગ થઇ ને થાય...



Monday, March 7, 2011

..જીવન નો વળાંક..


આ જીવન માં ક્યારેક એવો વળાંક આવે છે જ્યારે કોઈ ગમવા લાગે છે..

એ વ્યક્તિ ની વાતો ગમવા લાગે છે..

એની વાતો માં હા માં હા મેળવવું ગમવા લાગે છે..

એ વ્યક્તિ માત્ર પોતાની સાથે જ વાતો કરે એવી ચાહના થવા લાગે છે..

પણ.....

જ્યારે એ વ્યક્તિ ને જ આપણું ગમવુંગમતું નથી ત્યારે મન ખુબ જ દુખી થઇ જાય છે

અને ત્યારે જ આ બેખબર ને  જીવન નો પેલો વળાંક યાદ આવી જાય છે 

..ડર..


મસ્ત હવા ચાલી રહી છે..

જે તમારી ઝુલ્ફો ને સ્પર્શી રહી છે..

મન તો થાય છે કે હવા બની ને તમારી એ ઝુલ્ફો ને સ્પર્શી જાઉં..

પણ...

ત્યાં હું જોઉં છું તો મને ખ્યાલ આવે છે કે એ જ ઝુલ્ફો તમારા ગાલ ને પણ સ્પર્શી રહી છે..

મન તો થાય છે કે હવે એજ ઝુલ્ફો બની ને તમારા ગાલ ને સ્પર્શી જાઉં..

પણ...

મારી આ ઈચ્છા ને જાણી ને એવું કંઇક ના કરતા કે જેથી તમને જોવા માટે પણ તરસી જાઉં ...

મળવાની ચાહના


આ જીવન માં ઘણા લોકો મળીને છુટા પડી જાય છે..

એમાંથી અમુક જ લોકો હૃદય ને સ્પર્શી જાય છે..

એ લોકો જ્યારે મળે છે ત્યારે દિલ થી દિલ ના તાંતણા જોડી જાય છે..

અને જ્યારે છુટા પડી જાય છે ત્યારે ....?મુખમાંથી વાચા છીનવી લે છે..

પણ દિલ નો સંબંધ તો એવો છે દોસ્તો ...

એ ગમે તેટલા દુર હોય એમની યાદો અમારા દિલ પર છોડી જાય છે

એ યાદો માં એવા ચેહરા છે જે હૃદય ના તાર ઝંઝણાવી જાય છે અને અચાનક જ એ ચહેરાઓ તાદૃશ 
થઇ  જાય છે...


...   ત્યારે મન એવું ચકરાવે ચઢી જાય છે કે ફરીથી એમને મળવાની ચાહના થઇ જાય છે 

Sunday, March 6, 2011

તારી નારાજગી ...


તું જ્યારે મને નારાજ કરે છે ત્યારે તને ખુબ ગમે છે...

અને જ્યારે તું નારાજ થાય છે ત્યારે તને નારાજ થયેલી જોવી મને ગમે છે...

એ સમયે તારા ચહેરા પર જે હાવભાવ આવે છે એ જોવા મને ગમે છે...

તારી આંખો ને ઝીણી અને તીખી કરે છે એણે માણવી મને ગમે છે...

તને નથી ગમતું જ્યારે તારી આંખો માં કોઈ જુએ છે...

પણ મને તો તારી આંખો માં જ ખોવાઈ જવું ગમે છે...

તું જ્યારે નારાજ થાય છે ત્યારે તારા ઠાવકાઈ ભરેલા હાવ ભાવ ને જોવા મને ગમે છે...

વાંકા કરેલા હોઠ થી બનતા નાના ખંજન ને માણવું મને ગમે છે...

તું જ્યારે નારાજ થાય છે ત્યારે મને ગમે છે પણ.....


મને ડર છે કે તું સદા માટે તો નારાજ નહિ થઇ જાય ને?” 

Wednesday, March 2, 2011

..જીવન પણ કેવું અજીબ રમકડું છે..


જીવન પણ કેવું અજીબ રમકડું છે..


દરરોજે કોઈ નવી રીતે રમત રમાડે છે


ક્યારેક તમને ખોબો ભરી ને દુખ સાથે નાનકડી ખુશી આપે છે


તો ક્યારેક ખુશી ની અપેક્ષા તોડી ને દુ:ખ ની ધારા વહેવડાવે છે


ક્યારેક તમને પેટ ભરેલું હોવા છતાં પકવાનો ખવડાવે છે


ક્યારેક સખત ભૂખ હોવા છતાં ભૂખ્યા સુવડાવે છે


ક્યારેક ના હસવું હોય તો પણ ખડખડાટ હસાવે છે


ક્યારેક આ 'બેખબર' ને ખોટું સ્મિત આપવા મજબુર કરે છે


જીવન પણ કેવું અજીબ રમકડું છે..


દરરોજે કોઈ નવી રીતે રમત રમાડે છે...

Tuesday, February 22, 2011

..કંઇક કહેવાનું મન થાય છે..


(કદાચ પહેલી વાર આ બેખબર પોતાની કવિતા વિશે કહેવા જઈ રહ્યો છે 
આ કવિતા માત્ર એક ફોટોગ્રાફ પર થી કંડારવામાં આવી છે હવે એ જ "ફોટોગ્રાફ" "જરા વાંચી" જુઓ )

તારો આ ચહેરો જોઈ ને તને કંઇક કહેવાનું મન થાય છે

તારી ભીની ઝુલ્ફો માં રહેલા એ પાણી ને હમેશા માટે રહેવાનું મન થાય છે

તારા ચહેરા પર ની ભીનાશ ભરી મહેક ને હમેશા માટે એ જ ચહેરા પર રહેવાનું મન થાય છે

તારી આંખો જે દ્રશ્ય જોઈ રહી છે એ દ્રશ્ય ને એ જ આંખો માં રહી જવાનું મન થાય છે

નાજુક બે હોઠો ની વચ્ચે છુપાએલા મોહક સ્મિત ને જોઈ ને એ સ્મિત ને ત્યાં જ રાખવાનું મન થાય છે

આ વાંચી ને તારા મન મુખ પર જે દ્રશ્ય રચાયું હશે તેને મારા બેખબર મન થી જોવાનું મન થાય છે

તારો ચહેરો જોઈ ને તને કંઇક કહેવાનું મન થાય છે.. 

Wednesday, February 16, 2011

...જીવન પણ કેવું અજીબ ઉખાણું છે ...


જીવન પણ કેવું અજીબ ઉખાણું છે!
ક્યારેક વહેતી નદી તો ક્યારેક શાંત ઝરણું છે..
ક્યારેક એક પ્રેમાળ વ્યક્તિની  આસ છે તો ક્યારેક ખુદ પ્રેમાળ બનવાની પ્યાસ છે..
જીવન પણ કેવું અજીબ ઉખાણું છે.


ક્યારેક તો એ ભરી ભરીને ખુશીઓ  આપી દે છે..
તો ક્યારેક આંસુ પણ ના આવે એવી વ્યથા માં મૂકી દે છે..
જ્યાં નજર પહોચે ત્યાં સુધી સાથી મિત્ર ને મૂકી દે છે..
પણ જો એજ જગ્યા એ આ બેખબર પહોચી જાય તો ફરીથી એ મૃગજળ બની ને દુર બેઠું હોય છે..
જીવન પણ કેવું અજીબ ઉખાણું છે.


ક્યારેક તો ઘણા બધા મિત્રોની ટોળકી આપી દે છે..
તો ક્યારેક એકલતાના વાવાઝોડા માં ધકેલી દે છે..
ક્યારેક એકલા એકલા પણ હસવાનો મોકો આપે છે..
તો ક્યારેક કોઈ ના ખોળામાં આંસુ સાલવાનો પણ મોકો આપે છે..
જીવન પણ કેવું અજીબ ઉખાણું છે.


ક્યારેક તો એટલા બધા શબ્દો આપી દે છે..
તો ક્યારેક આ જ શબ્દો ને વહેણમાં મુકે એવી વાચા ને છીનવી લે છે.
ક્યારેક મસ્ત મજાનું સપનું દેખાડે છે..
તો ક્યારેક કડવું સત્ય પણ ચખાડે છે..
જીવન પણ કેવું અજીબ ઉખાણું છે!

બસ એક જ દરખાસ્ત છે આ અજબ ગજબ ની જીંદગી ને...
ક્યારેક તો તક આપ આ ઉખાણાને સુલ્જાવા નો...!”

પણ પછી આ જીંદગી મને કહે છે કે "મને સુલ્જાવામાં તું ખુદ જ ગોથા ખાઈ જઈશ એટલે મારા માટે તો તું એટલું જ કહે તો સારું છે કે જીવન પણ કેવું અજીબ ઉખાણું છે!

Sunday, January 9, 2011

..કોઈના ઈન્તજારમાં બેઠી છે તું..

એક ખૂણામાં શાંત બેઠી તું...
કોઈ વિચારોના સમુદ્રમાં મહાલતી તું...
ના જાણે કયા ગોથા ખાતી તું...
વિચારોમાં ખોવાતા-ખોવાતા સૌન્દર્યનું રસપાન કરાવતી તું...
પણ ચહેરા પર સાચા હાવભાવ ન લાવતી એવી ચાલાક તું...
બસ મુખ પર જાણે અશાન્તીભારી શાંતિ દેખાડતી તું...
સાથે સાથે કેશને રમાડતા ધ્યાન બીજી તરફ દોરતી તું...
કોઈ ધ્યાનમાં આવે કે નાં આવે પણ પોતાનામાં ખોવાયેલી કેવી સુંદર ઢીંગલી તું...
ના જાણે કયા રમત દેશમાં ઘુમતી રહેતી તું...
ક્યાંક પેલો મોબાઈલ વાગતો ને તંદ્રા માંથી જાગતી તું...
આશ સાથે જોતી પણ નિરાશા પામતી તું...
મને લાગે છે કોઈના ઈન્તજારમાં બેઠી છે તું...
આજુબાજુ આવતા અવાજની પરવા કર્યા વગર અશાંતિપૂર્ણ શાંતિ માણતી તું...
એજ તંદ્રા માં કોફી ની  ચૂસકી માણતી તું...
પણ એમાય ઇન્તજાર અને બેકરારી દેખાડતી તું...
મારા મન માં થાય છે કેવા શાંત હાવભાવ દેખાડતી અશાંત છે તું...
ત્યાજ અચાનક મને કેવા અજબ હાવભાવથી દેખતી તું...
તને ક્યારનો દેખી રહ્યો એમ મને પકડી પાડતી તું...
ત્યારે મને ભાન થાય  છે કે ક્યારનો હું જેને જોઈ રહ્યો છું એ છે તું... 
આંખો થી  મને પૂછતી  કે કેમ મને જુએ છે તું...
થોડા ક્ષણો ની  આંખો થી થતી વાતોને તોડતા મોબાઈલને જુએ છે તું...
ચહેરા પર થોડી નિરાશા અને થોડો ગુસ્સો દેખાડતી જતી રહે છે તું... 
ત્યારે મારી તંદ્રા તૂટે છે પણ મને તો હજુ પણ લાગે છે કે કોઈના ઈન્તજારમાં બેઠી છે તું.. 

Wednesday, January 5, 2011

..હું અને મારી કલમ..

ઘણા સમય થી કલમથી નાતો છૂટી ગયો છે એવું લાગે છે..  
કલમ મારાથી રુઠી હોય એમ લાગે છે..

કલમ કહે:'એવું તો નથી ને કે તારો મારા કલમ-મન સાથેનો નાતો તૂટી ગયો છે?'

હું કહું:વાત જાણે એમ છે કે સમય નથી મારી પાસે.. 
તો એ કહે:કે પછી સમય નથી મને મારા માટે ?

"આંખો માં ઘણા સપના લઇ ને ઉડી રહ્યો છે આ બેખબર.."
'શું એ દિશાની ખબર છે તને એ બેખબર?'

"તને જ તો ખબર છે કે આ સપના માં તું જ હમેશ બની છે મારી સાથી.."
'સપના મળી રહ્યા છે , ભૂલ્યો છે મને એથી?'
(મોઢું બગાડીને બેસી છે આ કલમ મારી 
જાણે રિસાયેલી માશુકા પ્યારી)

"તું જ તો જાણે છે કે હું તારા સિવાય કોઈને પસંદ નથી કરતો
તારાથી જ તો હું પોતાને પામું  છું"
'એટલે જ તું પોતાને પામીને મને ભૂલતો જાય છે , નહિ?'

(આમ ને આમ હું મારી પ્યારી માશુકા કલામને મનાવતો જાઉં છું અને એ રીસાતી જાય છે 
એને પણ ગમે છે રીસાવું અને મને પણ ગમે છે એને મનાવવું)

મનાવતા મનાવતા ક્યારે એ મારી સાથી બની જાય છે અને ક્યારે એ રીસાવવા મનાવવાની ઘટના એક કવિતા બની જાય છે!